gero eta biolentzia gehiago

Zergatik?

Kurtsoa hasi zenean irakasleak proposatu zigun blog bat egitea, gure koaderno pertsonala balitz bezala, baina desberdintasun batekin, gure lana besteen eskura egongo da interneti esker. Hori dela kausa eta egiten ari naizen ikasketak direla eta, aukeratutako gaia gizartearekin zer ikusia izan behar zuela uste nuen. Pentsatzeari ekin nion eta azkenean zera izan zen nire erabakia, biolentziari buruzko blog-a egitea. Baina blog honekin lortu nahi dudana ez da hitz egitea biolentziari buruz zentzu bakarrean, adibidez, bortizkeria fisikoaren kasua, nire asmoa bada gizartean ematen den biolentzia mota guztiak aztertzea, zein esparru desberdinetan ematen den, zein gizarte talde desberdinek pairatzen duten, zergatik ematen diren eta zeintzuk diren honetan parte hartzen duten faktoreak.

Izan ere, eta tamalez, egungo gizartean biolentzia eguneroko gauza bat da eta nire aburuz bada garaia honekin bukatzeko. Horrexegatik, blog honekin, nire helburua informazioa aportazea da, jendea kontzientziatzeko eta horrelako egoerak sahiestu ahal izateko.

Hau naiz ni

Idoia Garcia nauzue, Gizarte Hezkuntzako ikaslea. Barakaldarra naiz eta 19 urte ditut. Gurasoekin eta ahizparekin bizi naiz, beno, eta Dankorekin, gure txakurtxoa.

Neska alaia naiz eta asko gustaten zait leku berriak eta jendea ezagutzea, izan ere, denbora librean gehien gustatzen zaidana lagunekin egotea edota parrandan egotea da. Izan ere, uste dut horrexegatik aukeratu dudala ikasketa hauek, egun bakoitza desberdina izango delako eta ezagutuko dudan jendea oso bestelakoa izango delako, edo behintzat, hori da espero dudana nire etorkizunetik.

Dena den, nire burua formaltzat hartzen dut, lan egiten dut eta saiatzen naiz ikasketak aurrera ateratzen alegia. Horrez gain esan behar dut zintzotasuna gustatzen zaidala bai lan egiteko orduan bai arlo pertsonalean.

Bukatzeko esango dut beti entzuteko prest nagoela, nire aburuz hau gauza berriak ikasteko forma onena delako.